“NATO do të forcojë mbrojtjen e saj kundër kërcënimeve hibride, sulmeve kibernetike dhe sulmeve me raketa balistike nga vendet jashtë zones euroatlantike”, tha të premten Sekretari i Përgjithshëm i NATO-s Jens Stoltenberg.
Gjatë një adresimi në një forum në Varshavë para samitit të 28 vendeve anëtare të NATO-s, Stoltenberg tha se aleanca do të vendosë për një prezencë më të madhe të trupave të saj në vendet lindore të aleancës, siç janë Estonia, Latiania, Lituania dhe Polonia.
“Ne do të vendosemi në këto vende me sistem rotacioni, nga një batalon të fuqishëm multinacional në secilën prej shteteve, për ta bërë të qartë se çfarëdo sulmi ndaj një aleati do të ballafaqohet me forcat e gjithë aleancës”, shtoi ai.
Burimet nga NATO thonë se secili batalion do të përbëhet prej 1 mijë ushtarësh. Britania e Madhe pritet të udhëheqë batalonin në Estoni, Gjermania do të udhëheqë batalonin në Lituani, Kanada batalonin në Lituani, kurse SHBA-të do të udhëheqë batalonin në Poloni.
Stoltenberg nënvizoi se këto masa të reja në Evropën Lindore do të jenë të natyrës mbrojtëse, dhe assesi nuk kanë për qëllim çfarëdo konfrontimi me Rusinë.
Stoltenberg para samitit të NATO-s tha po ashtu se do të rrisin asistencën e tyre ushtarake ndaj koalicionit global që është duke luftuar SISI-in. /tesheshi.com/
