Ministri i Jashtëm i Arabisë Saudite, Adel al-Jubeir tha se vendi i tij e konsideron vrasjen e gazetarit Jamal Khashoggi si një krim dhe një gabim i madh.
Por Al-Jubeir tha gjithashtu se për Arabinë Saudite është e papranueshme që ky rast të shndërrohet në çështje ndërkombëtare dhe shtoi se politizimi i tij ka shkaktuar përçarje në botën islame.
“Ne e kundërshtojnë politizimin e çështjes Khashoggi dhe përpjekjet për ndërhyrje në punët e brendshme të Arabisë Saudite”, ka thënë Al-Jubeir në Riad.
Ai tha se Arabia Saudite ishte e vendosur të ndiqte penalisht të gjithë ata që ishin përgjegjës për vrasjen e Khashoggi. Duke vënë në dukje se hetuesit saudit po bashkëpunojnë me institucionet turke, Al-Jubeir tha se ende ka pyetje për të gjetur përgjigje.
Kryeprokurori i Arabisë Saudite tha dy ditë më parë se janë ngritur akuza kundër një pjese prej grupit të përbërë nga 18 persona të ndaluar, si të implikuar në vrasjen e bujshme.
Ai shtoi se do të kërkonte vendosjen e dënimeve me vdekje për të gjithë ata që janë shkaktarë për vrasjen e gazetarit.
Ndërsa Ankaraja vijon të këmbëngulë për një përgjigje nga Riadi mbi fatin trupit të të ndjerit. /tesheshi.com/
