Tensionet në rajonin sirian të Idlib mund të përshkallëzohen në një konflikt të madh ndërkombëtar, tha të premten kreu i diplomacisë evropiane, duke shtuar se BE do të konsiderojë të gjitha masat e nevojshme për të mbrojtur interesat e saj të sigurisë.
“Shkallëzimi aktual në Idlib duhet të ndalet urgjentisht. Ekziston rreziku që të tërhiqemi në një konfrontim të madh ndërkombëtar ushtarak. Ajo ç’po ndodh, gjithashtu shkakton vuajtje të padurueshme humanitare dhe vë në rrezik civilët”, tha Përfaqësuesi i Lartë i BE-së për Politikën e Jashtme dhe Sigurinë Josep Borrell në një postim në Twitter.
“Bashkimi Evropian u bën thirrje të gjitha palëve mos e përshkallëzojnë më tej konfliktin, pasi po humbin jetë njerëzish. Bashkimi Evropian do të marrë të gjitha masat e nevojshme për të mbrojtur interesat e veta të sigurisë. Ne jemi në kontakt me të gjithë aktorët përkatës, “shton Borrell, raporton Reuters. /tesheshi.com/
