Në një konferencë shtypi me homologun britanik, Adil el-Xhubejri e ka akuzuar Iranin për ndërhyrje në punët e brendshme të Irakut.
“Prania iraniane në Irak, me ose pa ftesë, është e papranueshme,” është shprehur ai, duke patur në krah Philip Hammond-in, sekretarin e Jashtëm britanik.
“Irani duhet të respektojë parimin e marrëdhënieve të fqinjësisë së mirë, e të përqendrohet në situatën e tij të brendshme, e jo të ndërhyjë në punët e vendeve të tjera në rajon,”ka vënë në dukje el-Xhubejri.
Ai e akuzoi Iranin për krijim të trazirave në Irak duke mbështetur milicinë shiite. “Nëse Irani kërkon stabilitet në Irak, duhet t’i japë fund ndërhyrjes dhe të tërhiqet.”
“Nuk mund të keni paqe në Irak me Kasem Sulejmanin (gjeneralin iranian) që udhëheq fushatën kundër sunnitëve,” ka thënë shefi i politikës së jashtme të Arabisë Saudite.
“Problemi i Irakut janë konfliktet fetare të shkaktuara nga ndërhyrja iraniane.”
El-Xhubejri ka gjetur rastin të sqarojë dhe çështjen e haxhit për qytetarët iranianë, që nuk ka të ngjarë ta kryejnë atë këtë vit.
“Qëllimi i Iranit që prej fillimi ishte të manovronte dhe të gjente justifikime për t’i penguar qytetarët e vet prej kryerjes së haxhit. Irani kërkonte të drejtën për të organizuar demonstrata dhe për të patur privilegje që do shkaktonin kaos gjatë haxhit. Kjo është e papranueshme! Ata janë tani përgjegjës para Allahut!” /tesheshi.com/
