Autoritetet e SHBA thonë se është zbuluar tuneli më i gjatë i kontrabandës së lëndëve narkotike në kufirin jugperëndimor, i cili shtrihet 1.313 metra nga qyteti meksikan i Tijuana-s deri në San Diego.
Fillimi i tunelit është në një zonë industriale në Meksikë, sipas Doganave dhe Mbrojtjes së Kufijve të SHBA.
Policia Kufitare e SHBA përshkroi tunelin si “më të sofistikuarit që ata kanë parë ndonjëherë”, me një sistem të gjerë hekurudhor dhe qarkor për transport të shpejtë të drogës, ventilim, dhe kabllo elektrike dhe panele të tensionit të lartë.
Tuneli, i quajtur “Baja Metro” nga shërbimet kufitare, kishte një ashensor në hyrjen e tij, si dhe një sistem kompleks kullimi, raporton Los Angeles Times.
Tuneli i dytë më i gjatë në Shtetet e Bashkuara, që përfshin 904 metra, u zbulua në San Diego në 2014. /tesheshi.com/
