Lufta në Ukrainë nuk mund të përhapet në Bosnje, ndwrsa Kroacia është një shembull i një politike të zgjuar energjetike, tha të hënën i dërguari special i qeverisë amerikane për Ballkanin Perëndimor, Gabriel Escobar.
“Kroacia është një shembull i jashtëzakonshëm i politikës së zgjuar të energjisë, mendoj se vendet e tjera duhet të ndjekin shembullin e saj,” tha Escobar, duke iu referuar terminalit LNG në Kroaci të ndërtuar në prag të krizës aktuale të furnizimit me energji.
Në forumin amerikano-kroat, Escobar tha se “ai nuk mendon se” kriza ukrainase mund të transferohet në rajon.
Lufta në Ukrainë ka çuar gjithashtu vendet kandidate për në BE që të “tregojnë në mënyrë proaktive solidaritet” me vlerat perëndimore, tha Escobar, duke përmendur faktin se Serbia dënoi pushtimin rus në Asamblenë e Përgjithshme të OKB-së në fillim të marsit, një “ndryshim sizmik”.
Escobar tha se Serbia nuk është tema më e vështirë për të cilën ai flet me vendet e tjera fqinje dhe se ky “titull” i përket Bosnjes.
Shtetet e Bashkuara dhe Serbia kanë një marrëdhënie 140-vjeçare dhe Beogradi ka qenë “një partner i ngushtë” me Uashingtonin gjatë gjithë kohës, për shembull në dy luftëra botërore, tha ai.
Sot shtrohet pyetja se si të tërhiqet Serbia në demokracitë perëndimore, ndër të cilat “ka qenë gjithmonë dhe ku i takon”, theksoi Escobar, duke shtuar se procesi i integrimit u ngadalësua gjatë qeverisjes së Sllobodan Millosheviccit, i cili u karakterizua nga “qeverisja e keqe”.
I dërguari amerikan beson se “gjenerata e ardhshme e serbëve” do të jetë më e prirur për Evropën dhe si dëshmi ai deklaroi se “votojnë me këmbë” duke emigruar në Evropë dhe SHBA, e jo në Kinë dhe Rusi. /tesheshi.com/
