Sekretari amerikan i Shtetit, Mike Pompeo tha se Shtetet e Bashkuara do të reduktojnë numrin e refugjatëve që do të marrin, kjo për të dytin vit me rradhë, por ato ende janë të angazhuara për të siguruar strehim për njerëzit që largohen nga zonat e luftës.
Vitin e ardhshëm, Shtetet e Bashkuara do të jenë në gjendje të marrin 30,000 refugjatë, 15,000 më pak se këtë vit. Kjo do të jetë tavani më i ulët që nga fillimi i programit në vitin 1980.
Pompeo tha se SHBA do të përpunojë më shumë se 280,000 kërkesa për azil, mes më shumë se 800,000 azilkërkuesish që janë tashmë në SHBA në pritje të vendimit.
“Ky tregues është në vazhdën e traditës së gjatë të Shteteve të Bashkuara si kombi më ambicioz në botë kur bëhet fjalë për emigracionin dhe ndihmën ndaj atyre që kanë nevojë për mbrojtje”, tha Pompeo.
Reduktimi i numrit të refugjatëve, megjithatë, ka shkaktuar kritika të ashpra të demokratëve. /tesheshi.com/
