I dërguari special i Shteteve të Bashkuara në përpjekjet për përfundimin e luftës në Ukrainë, Kurt Volker, thotë se ky vend ende nuk është i gatshëm për anëtarësim në NATO. Madje, ai thotë se nuk është as afër për të marrë ftesën për bashkim me Aleancën.
Gjatë një interviste për rrjetin televiziv, Pryamyi TV, në Ukrainë, Volker tha se përgatitjet për pranim në NATO zgjasin shumë. Po rai shprehu besimin se Ukraina do të jetë e aftë për të bërë reformat e nevojshme, përfshirë ata në fushën e sigurisë, që janë të nevojshme për anëtarësim në NATO.
Ai ka theksuar se vendimi final për anëtarësim i takon Ukrainës dhe Shteteve të Bashkuara, ndërsa Rusia dhe të gjitha palët e tjera, duhet të respektojnë këtë vendim.
Ai ka përshëndetur vendimin e qeverisë në Kiev në vitin 1994, për tërheqje nga armatimi atomik, duke thënë se “nuk mendoj se armatimet atomike janë diçka pozitive për Ukrainën”.
I pyetur për ushtrimet e përbashkëta ushtarake bjelloruse-ruse, që do të mbahen në periudhën prej 14 e deri më 20 shtator, Vokker tha se ky ushtrim i quajtur, Perëndimi 2017, tregon se vendet perëndimore duhet të zhvillojnë së bashku sistemin e tyre të sigurisë dhe të jenë të gatshme për të gjithë skenarët e mundshëm. /tesheshi.com/
