Siç është paralajmëruar prej javësh, administrata Trump po u jep fund të gjitha fondeve për palestinezët, të cilat kalonin nga agjensia e OKB-së për refugjatët palestinezë UNRËA, ose ndryshe Agjencinë e Ndihmës dhe Punës së Kombeve të Bashkuara.
Administrata amerikane ka “shqyrtuar me kujdes” çështjen dhe “nuk do të japë kontribute shtesë për UNRËA-n”, ha zëdhënësja Heather Nauert, e cila e përshkroi atë si “me defekte dhe të parregullt” në punën e saj.
Por për udhëheqjen palestineze, ky është një sulm hakmarrës ndaj faktit se nuk po pranohet Jerusalemi si kryeqytet izraelit, një lëvizje amerikane e kundërshtuar fuqishëm edhe nga faktori ndërkombëtar. Një zëdhënës i presidentit palestinez Mahmoud Abbas, tha se masa ishte një “sulm” kundër popullit të tij.
“Një dënim i tillë nuk do të ketë sukses në ndryshimin e faktit se Shtetet e Bashkuara nuk kanë më një rol në rajon dhe se nuk janë pjesë e zgjidhjes”, tha Nabil Abu Rudeina për agjencinë e lajmeve Reuters.
Ndërsa një zëdhënës për UNRËA-n, Chris Gunness, mbrojti agjencinë nga akuzat.
“Ne hedhim poshtë kritikat që shkollat, qendrat shëndetësore dhe programet e asistencës emergjente të UNRËA-s na qenkan me defekte”, tha zëdhënësi.
Nga ana tjetër, aministrata Trump ka pretenduar se nëse palestinezët njohin Izraelin, atëherë do të kenë prosperitet ekonomik. /tesheshi.com/
