Shtetet e Bashkuara të Amerikës prej pak kohësh kanë vendosur që të mirëpresin dhe të zgjerojnë gjatë vitit 2016, numrin e refugjatëve sirianë që drejtohen në këtë shtet, pas ngjarjeve që janë duke ndodhur në Siri. Mirëpo, kandidati kryesor për President i Partisë Republikane, Donald Trump, është ai që ka bërë njëdeklaratë të fuqishme ditët e fundit, duke thënë se është i gatshëm t’i rikthejë sirianët andej nga kanë ardhur, pra në shtëpitë e tyre.
“Nëse fitojmë ne, sirianët do të kthehen andej nga kanë pardhur. Janë xhihadistë potencialë”,- ka thënë sipërmarrësi milioner, i cili është vënë në qendër të polemikave në këtë garë të madhe për kreun e Shtëpisë së Bardhe, sa i takon qëndrimeve të tij për imigrantët.
Gjatë një tubimi në shtetin e Hampshire, Trump ka thënë: “Dëgjoj se do të mirëpresim 200 mijë sirianë. Kjo mund të jetë nj nga manovrat më të mëdha taktike të të gjitha kohëve: një ushtri me 200 mijë njerëz që në realitet janë militantë të ISIS. Me shumë mundësi do të jetë kështu”.
Me sa duket, Trump ka bërë një kthesë të madhe në mendimet dhe qëndrimet e tij, sa i takon refugjatëve. Disa javë më parë ai ka thënë: Shtetet e Bashkuar duhet të pranojnë një numër sa më të madh të refugjatëve./tesheshi.com/
