Komandanti i bazës ajrore Inçirlik, i arrestuar për komplot gjatë tentativës për një grusht-shteti ushtarak në Turqi, ka kërkuar azil nga SHBA-të, e cila i është refuzuar për shkak të ndjeshmërisë së çështjes, ka njoftuar të dielën prestigjiozja Neë York Times.
Gjeneral-Brigade i forcave ajrore, Bekir Ercan Van u arrestua në bazën ajrore Inçirlik, bazë kj0 e cila shfrytëzohet nga forcat amerikane për sulme në Siri, bashkë me disa zyrtarë tjerë më pak të rëndësishëm.
Të dyshuarit janë akuzuar për “anëtarësim në një organizatë të armatosur terroriste” dhe “përpjekje për përmbysje të qeverisë së Republikës së Turqisë, duke përdorur forcën dhe dhunën”.
Deri më tani, mbi 3,000 pjesëtarë të personelit ushtarak, përfshirë organizatorë të lartë të grusht-shtetit, janë arrestuar, ndërkohë që janë lëshuar fletëarreste për 2.475 gjyqtarë dhe prokurorë, të implikuar në ngjarje. /tesheshi.com/
