Shtetet e Bashkuara kanë njoftuar se do të largohen nga UNESCO, organizata për kulturë, shkencë dhe arsim e OKB-së, më 31 dhjetor.
Departamenti i Shtetit tha se kishte marrë vendimin për shkak të borxheve të vonuara financiare, mungesës së reformave dhe perceptimit anti-izraelit nga ana e Organizatës.
Shtetet e Bashkuara është tërhiqur nga UNESCO edhe një herë më parë, në vitin 1984 kur Ronald Reagan ishte president, duke pretenduar se organizata ishte “shumë e politizuar” dhe po punonte kundër interesave amerikane dhe perëndimore, për t’u ribashkuar vetëm 19 vjet më vonë.
Në vitin 2011, Palestina u bë anëtare, që çoi në pezullimin e të gjitha kontributeve financiare nga SHBA dhe Izraeli, pjesë kjo që përbënte 22% të buxhetit të përgjithshëm.
Selia e UNESCO-s është në Paris dhe ka një buxhet prej 653 milionë dollarë në vit. /tesheshi.com/
