Ambasada Amerikane në Shkup ka përgëzuar partitë për arritjen e marrëveshjes për zgjedhjen e Prokurorit Special, duke përdorur këtë definicion interesant lidhur me përmbajtjen e “bombave” të publikuara nga opozita: “krime që dalin dhe kanë të bëjnë me përmbajtjen e komunikimeve të përgjuara në mënyrë joligjore”.
“Përgëzojmë partitë për marrëveshjen e arritur sot për themelimin e Prokurorit publik për hetimin e krimeve që dalin dhe kanë të bëjnë me përmbajtjen e komunikimeve të përgjuara në mënyrë joligjore, dhe për nominimin e Katica Janevës për këtë pozitë. Ky emërim paraqet hap të rëndësishëm drejt vërtetimit të përgjegjësisë. Shtetet e Bashkuara, së bashku me partnerët evropianë, do të vazhdojnë përkushtimin t’i ndihmojnë Maqedonisë në implementimin e marrëveshjes së Përzhinos dhe në avancimin e saj drejt integrimit të plotë në institucionet Euro-Atlantike si demokraci dinamike, përparimtare dhe shumëetnike”, thuhet në deklaratën e ambasadës amerikane.
Pas kësaj deklarate, sipas ambasadës së SHBA-së duhet të mendohet seriozisht politikanët që janë incizuar te “bombat” duke folur për afera dhe biznese të dyshimta, si dhe për shtëpinë e ashtuquajtur “ruse” karshi ambasadës amerikane.
