Në kuadër të zhvillimeve të fundit në rajon, SHBA-të dhe Turqia kanë arritur një marrëveshje dypalëshe mbi kuadrin e misioneve ajrore patrulluese të avionëve amerikanë mbi hapësirën turke.
Marrëveshja vjen në një kohë që tensioni mes Rusisë dhe Turqisë vijon të mbetet i lartë pas rrëzimit të një avioni luftarak rus pak javë më parë.
Një e përditshme turke citon një deklaratë të shkruar të EUCOM-it, Komandës Europiane të Shteteve të Bashkuara, ku thuhet, “Ne finalizuam një marrëveshje dypalëshe me Turqinë që përvijon procedurat për misionet ajrore luftarake të patrullimit në hapësirën ajrore turke. Me arritjen e marrëveshjes, ne filluam këtë fundjavë të kryejmë misione ajrore patrullimi.”
Pavarësisht marrëveshjes, SHBA-të vendosën dje të tërheqin gjashtë avionë luftarakë F-15C nga Turqia, që mendohej të ishin pjesë e këtyre misioneve patrulluese pranë kufirit sirian. /tesheshi.com/
