Ambasada amerikane në Shkup ka shprehur shqetësimin e saj për vendimin e fundit të kryetarit Gjorge Ivanov për t’i ndërprerë të gjitha proceset gjyqësore ndaj politikanëve në Maqedoni.
Nga ambasada thonë se janë në pritje të sqarimeve të mëtejshme, megjithatë shtojnë se deklarata e Presidentit ka shkaktuar shqetësim serioz për përkushtimin e Maqedonisë në sundimin e ligjit.
Ndërkaq në sqarimin e tij, Ivanov tha se vendimin e ka miratuar pasi që marrëveshja e Përzhinos nuk i ka dhënë rezultatet e dëshirueshme, pra shteti vazhdon të jetë në krizë, që nuk duket se do të përfundojë edhe pas zgjedhjeve të parakohshme.
/tesheshi.com/
