Ambasadori i SHBA në Izrael, David Friedman ka njoftuar se plani i Trump për paqen izraelito-palestineze do të paraqitet në muajt e ardhshëm, gjë që përbën një vonesë tjetër në publikim.
Presidenti Trump tha në shtator se plani i tij do të prezantohet në ose deri në katër muajt e ardhshëm, ndërsa ambasadori izraelit në OKB, Danny Danon më vonë tha se plani do të paraqitej në fillim të vitit 2019.
Unë do të thosha se ky plan do të zbulohet në muajt e ardhshëm – tha ambasadori i SHBA në Izrael, David Friedman.
Në një shpjegim të vonesës, ai tha se plani diktohej nga zgjedhjet izraelite, porse ky nuk ishte faktori i vetëm.
Ai shtoi se plani është pothuajse i plotë, por duhet të përditësohet.
“Kur ta publikojmë, ne duam që të ketë perspektivat më të mira për t’u pranuar”, shtoi Friedman.
“Sfida për planin e paqes është të arrihet një vlerësim më i saktë i realitetit në rajon”, tha ai. /tesheshi.com/
