Shtetet e Bashkuara kanë etiketuar grupin ultranacionalist – LëvizjA Perandorake Ruse, një organizatë terroriste, konfirmoi një zyrtar i Departamentit të Shtetit.
Anëtarët e grupit, i cili është me qendër në Rusi, e konsiderojnë veten nacionalistët ortodoksë rusë, të cilët mbrojnë restaurimin e monarkisë dhe favorizojnë interesat e rusëve, ukrainasve dhe bjellorusëve, raporton Reuters.
Departamenti i Shtetit tha në raportin e tij të fundit vjetor se ka pasur një rritje të terrorizmit etnik dhe racial në të gjithë botën që nga viti 2018.
Në fund të shkurtit, Agjensia Ndërkombëtare e Ndjekjes së Financimit të Terrorizmit (FATF) shtoi shtatë vende të reja në “listën gri” për dështimet për të luftuar financimin e terrorizmit dhe pastrimin e parave.
Këto përfshijnë Shqipërinë, Barbadosin, Xhamajkën, Mauritaninë, Mianmarin, Nikaraguan dhe Ugandën.
Këto vende u urdhëruan të marrin një numër masash ligjore dhe të tjera për t’u hequr nga lista dhe për të shmangur dënimet e mëtejshme financiare.
FATF gjithashtu njoftoi një monitorim të rreptë të Iranit, dhe në të njëjtën kohë lëshoi një paralajmërim për qeverinë pakistaneze, së cilës iu dhanë katër muaj të tjerë për të forcuar masat e saj kundër terrorizmit në mënyrë që të mos renditej në listë.
Agjensia ka prezantuar masa shtesë monitorimi kundër Iranit, të cilat mund të sjellin verifikimin e disa transaksioneve më shumë, gjë që do ta vështirësonte investitorët e huaj të bëjnë biznes në atë vend.
Këto masa u prezantuan sepse Irani nuk arriti të përmbushë detyrimet e tij ndaj FATF pavarësisht paralajmërimeve të përsëritura. /tesheshi.com/
