Një burrë i cili qëllimisht iu sul një turme njerëzish me makinë në Kaliforni duke i lënduar tetë persona, veproi ashtu pasi besonte se ata ishin muslimanë, njoftojnë autoritetet.
Ndaj shoferit tani rëndojnë 8 akuza për tentim vrasje, dhe jo vetëm. Tani, incidenti që mund të ishte me fatalitet po hetohet edhe për krim të urrejtjes.
Incidenti i cili ndodhi javën e kaluar ka për autor Isaiah Peoples, një 34 vjeçar i cili dikur kishte shërbyer me ushtrinë amerikan në Irak.
Zëvendësprokurori i rrethit Santa Clara tha se evidencat e reja lidhur me krimin janë “shqetësuese”.
Tetë këmbësorët janë të moshave të ndryshme, nga 9 deri në 52 vjeç, dhe njëri nga ta është në gjendje kome.
Avokati i agresorit tha se incidenti “ishte rezultat i një çrregullimi mendor”, dhe se ai do të kërkonte trajtim psikiatrik për klientin e tij – të cilin e përshkroi si veteran ushtarak që mbase vuante nga çrregullimi i stresit post-traumatik. /tesheshi.com/
