Akademia e parë private ushtarake Norwich në Vermont të SHBA, i cili njihet si kolegji privat ushtarak më i vjetër me një përvojë 200-vjeçare, i është përgjigjur pozitivisht kërkesës së studentes muslimane Fathia Mohammed, që t’i lejohet bartja e shamisë gjatë vitit të ardhshëm akademik në këtë universitet.
Drejtuesit kanë njoftuar gjithashtu se kanë bërë ndryshime, ku parasshikohet që krahas kokës, të lejohet dhe mbulimin e krahëve dhe i këmbëve, sipas kërkesës së studentëve të cilët dëshirojnë të studiojnë në këtë shkollë.
E njëjta studente kishte parashtruar kërkesë për t’ju lejuar bartja e shamisë si pjesë e uniformës ushtarake edhe në The Citadel, kolegjin publik ushtarak në Karolinën Jugore, por që i ishte refuzuar.
“Ideja që të përjashtohet një studente muslimane do të ishte veçanërisht polarizuese, duke marrë parasysh diskutimet në nivel kombëtar dhe këndvështrimet divergjente në lidhje me rolin e islamit në kulturën amerikane”, shkruan The Washington Post.
Ibrahim Hooper, zëdhënës i këshillit për marrëdhëniet amerikane-islamike CAIR, i cili ka punuar në vazhdimësi me studenten dhe prindërit e saj gjatë gjithë procesit, thotë për gazetën: “Ky është një shembull i qartë se bartja e shamisë nuk paraqet ndonjë problem për kolegjet ushtarake. Nëse ky kolegj mund të ofrojë akomodim pa pasur ndonjë problem, nuk ka asnjë arsye që The Citadel të mos veprojë në mënyrë të njejtë. Andaj nuk është çështje e rregullave apo disiplinës strikte, por thjesht çështje kokëfortësie dhe e mungesës së vullnetit për t’u akomoduar shoqërinë tonë gjithnjë më dinamike dhe më të larmishme”, përfundon Hooper. /tesheshi.com/
