Ambasadori i SHBA në OKB Nikki Haley ka akuzuar Rusinë për shkelje të sanksioneve kundër Koresë së Veriut të imponuar nga OKB.
Ambasadorja e Shteteve të Bashkuara në OKB, Nikki Haley ka akuzuar Rusinë se ka shkelur sanksionet e Kombeve të Bashkuara kundër Koresë së Veriut.
Sipas saj, ka “dyshime të besueshme” se Moska lëshon licenca pune për punëtorët e Koresë së Veriut, raporton AP.
“Pretendimi i besueshëm se Rusia shkel rezolutat e Këshillit të Sigurimit të OKB-së për punëtorët e Koresë së Veriut është shqetësues”, tha Haley, raporton Reuters.
Ajo tha se Rusia nuk mund të mbështesë sanksionet vetëm me fjalët dhe pastaj t’i shkel me veprime.
Ndërsa Moska thotë se nuk ka shkelur asnjë sanksion të Kombeve të Bashkuara që u ndalon punësimin e qytetarëve të Koresë së Veriut dhe nuk ka punëtorë të rinj nga ai vend në Rusi.
Ndërsa ambasadori rus në Korenë e Veriut, Alexander Matsegor i tha Interfax-it se leje të reja pune u janë lëshuar punëtorëve nga Koreja e Veriut, të cilët më parë kanë qëndruar në Rusi dhe kanë punuar nën kontratat e vjetra.
Wall Street Journal, duke cituar të dhëna nga Ministria e Brendeshme ruse, raportoi se më shumë se 10,000 punonjës të Koresë së Veriut janë regjistruar në Rusi që nga shtatori dhe se 700 licenca të reja janë lëshuar që nga fillimi i këtij viti.
Me këtë, Rusia ka shkelur potencialisht sanksionet e OKB-së të paraqitura për të reduktuar hyrjen e parave në Korenë e Veriut dhe për të ngritur presionin e Phenianit për braktisjen e armëve bërthamore.
Zyrtarët e OKB po hetojnë nëse ka pasur shkelje të sanksioneve. /tesheshi.com/
