Shtetet e Bashkuara do të rrisin numrin e refugjatëve që do të pranojnë me 15 mijë për secilin vit, me një total prej 100 mijë personash në vitin 2017.
Kjo gatishmëri mund të tregojë vullnetin amerikan për të ndihmuar në emigrimin masiv të sirianë edhe pse oferta është modeste, krahasuar me qindra mijë refugjatë që tashmë ndodhen në Europë e sidomos në Gjermani.
Sekretari amerikan i Shtetit, John Kerry nuk saktësoi sesa refugjatë do të jenë nga Siria, por shprehu gastishmërinë e Shteteve të BAshkuara për të ndihmuar.
“Në konsultim me kongresin, do të vijojmë të gjejmë rrugë për të shtuar shifrat pranimit, ndërsa do të mbajmë në të njëjtën kohë, një nivel të lartë sigurie”, tha Kerry pas bisedimeve me ministrin e Jashtëm gjerman, Frank-Walter Steinmeier.
Ai njoftoi edhe takimet që do të ketë në anekset e asamblesë së Përgjithshme të OKB-së në Nju Jork, këtë javë për të rinisur bisedimet e paqes për një zgjidhje politike të luftës civile në Siri. /tesheshi.com/
