Numri i personelit ushtarak amerikan të vendosur në Lindjen e Mesme është rritur 33 për qind në tremujorin e tretë të vitit 2017, thuhet në një raport të Departamentit të Mbrojtjes.
Sipas raportit tremujor të Pentagonit mbi personelin ushtarak, Presidenti i SHBA Donald Trump rriti numrin e trupave në 54,180 në shtator nga 40,517 sa ishin në maj.
Forcat amerikane momentalisht janë të vendosura në 14 vende të Lindjes së Mesme.
Rritja më e madhe në personelin amerikan është parë në Bahrein, ku numri është rritur nga 6,541 në 9,335, Kuvajt nga 14,790 në 16,592, Siri nga 1,251 në 1,723, Turqi nga 1,405 në 2,265 dhe Katar nga 3,164 në 6,671, thuhet në raport.
Numri i personelit amerikan në Turqi u rrit 38 për qind në kohën e tensioneve diplomatike midis Ankarasë dhe Uashingtonit.
Ndërkohë, prania e SHBA u rrit edhe në Afganistan nga 10.107 maj në 16.500 në shtator.
Të dhënat gjithashtu treguan se nuk kishte një vend të vetëm ku prania e SHBA nuk u rrit gjatë periudhës qershor-shtator 2017.
/tesheshi.com/
