Sekretari amerikan i Shtetit Mike Pompeo konfirmoi një përmbysje të politikës amerikane lidhur me vendbanimet izraelite në Bregun Perëndimor, duke argumentuar se ato “nuk janë në kundërshtim me ligjin ndërkombëtar”.
Deklarata e Pompeos paraqet një kundërshti të ashpër të politikave nga administratat e mëparshme amerikane, përfshirë atë të Barack Obamas, i cili konsideroi ndërtimin e vendbanimeve në Bregun Perëndimor si të paligjshme dhe pengesë për një marrëveshje të qëndrueshme paqeje.
Vendimi ka provokuar zemërim te palestinezët, ku zyrtari i lartë Saeb Erekat e ka akuzuar Presidentin Donald Trump për përdorimin e “ligjit të xhunglës” në vend të ligjit ndërkombëtar. Hanan Ashwari, një tjetër diplomat i shquar palestinez, e quajti vendimin “goditje për drejtësinë dhe paqen”.
Politika në fjalë mund të shërbejë si një rrugë shpëtimi për Kryeministrin e Izraelit Benjamin Netanyahu, i cili po lufton të mbetet në pushtet pas dy zgjedhjeve vetëm këtë vit, ku nuk arriti të fitoj shumicën. /tesheshi.com/
