Teksa presidenti Obama mbante një fjalim historik bë Baltimora në mbështetje të myslimanëve, shtatë punëtorë nga këta të fundit janë pushuar nga një prodhues në Ëisconsinin lindor pasi kanë shkuar të faleshin në orën e përcaktuar për punë.
Të shtatët u shtohen 53 somalezëve të cilët lanë punën në janar pasi pronarët u kërkuan të luten vetëm pas mbarimit të orarit të punës ose në pushimet 10-minutëshe. Kështu bëri të ditur kompania në një deklaratë.
Shtatë punëtorë morën lejen e paplanifikuar, kurse 14 të tjerë kanë dhënë dorëheqjen pas një greve. Kompania tha se të 32 punonjësit muslimanë që u kthyen në punë janë duke ndjekur rregullat e përcaktuara.
Myslimanët falen 5 herë në ditë: në agim, në mesditë, në mes të pasdites, në muzg dhe në mbrëmje.
“Ne do të na pëlqente më shumë që punëtorët të qëndrojnë dhe ne e respektojmë besimin e tyre, por orari është orar”, bëri të ditur kompania Ariens.
Ndërkaq, të larguarit po lobojnë me anë të Këshillit Amerikano-Islam për të mbrojtur të drejtat e tyre, ku mund të përfshihet dhe një padi ligjore ndaj kompanisë. Kështu tha Jaylani Hussein, drejtor ekzekutiv i organizatës.
Ariens, e cila ka 1.500 të punësuar në mbarë botën, ka ngritur dhoma caktuar faljeje për punëtorët myslimanë në Brillion, që ndodhet rreth 25 milje në jug të Green Bay.
Rreth 200 punëtorë, kryesisht emigrantë somalezë, u pushuan nga Cargill Meat Solutions në Fort Morgan, Kolorado, më 31 dhjetor të vitit të shkuar pasi organizuan një grevë për të protestuar pasi u shkelën të drejtat e tyre. /tesheshi.com/
