Departamenti i Thesarit të SHBA-së ka publikuar listën e oligarkëve rusë që janë nën sanksione dhe ndodhen pranë Vladimir Putinit.
Bëhet fjlë për 98 politikanë dhe 114 biznesmenë, ku ndër të cilët është edhe Presidenti i Chelsea-t, Roman Abramoviç.
Hartimi i të ashtuquajturës “Putin-List” parashikohet nga ligji i miratuar në Kongres për sanksione të reja për ndërhyrjen ruse në zgjedhjet e vitit 2018.
Në listën e hartuar nga Thesari ka shumë njerëz të entourage-s politik të Putinit, ndërmjet të cilëve zëdhënësi i Kremlinit, Dimitri Peskov, këshilltarë dhe anëtarë të kabinetit të Presidentit rus.
Në fund të listës ndodhet edhe kryeministri Dimitri Medvedev; ministry i Mbrojtjes, Sergey Shoygu; ministri i Zhvillimit Ekonomik, Maksim Oreshkin; ministri i Energjisë, Aleksandër Novak dhe ai i sportit, Pavel Kolobkov.
Renditja përfshin CEO-t e Gazprom e Rosneft, respektivisht Alexey Miller dhe Igor Sechin.
Të gjithëve do t’u bllokohen asetet bankare brenda territorit të SHBA-së dhe u ndalohen transaksionet me Amerikën. /tesheshi.com/
