Duke iu referuar burimeve të paidentifikuara nga administrata amerikane, agjensia thotë se ky vendim është marrë si një reagim ndaj këmbënguljes së Ankarasë për të blerë sistemin rus të raketave S-400.
Tre zyrtarë amerikanë që biseduan me Reuters këtë javë, me kusht që ata të mbeten anonim, lanë një mundësi të hapur për të ndryshuar këtë vendim, në rast se Turqia ndryshon planet e saj.
Ata gjithashtu theksuan se vendimi zbatohet vetëm për trajnime të reja, ndërsa ato që janë në vazhdim do të kryhen deri në fund.
Megjithatë, Pentagoni vë në dukje se janë duke u zhvilluar negociata për shitjen e sistemit të mbrojtjes së raketave Patriot të SHBA në Turqi.
“Aktualisht, katër pilotë turq po trajnohen në bazën e forcave ajrore të SHBA në Arizona, dhe dy të tjerë po punojnë si instruktorë. Përveç këtyre, gjashtë oficerë turq dhe 20 anëtarë të tjerë të stafit teknik janë duke u trajnuar në bazat amerikane”, tha Pentagoni.
Marrëdhëniet mes dy aleatëve të NATO-s janë përkeqësuar për shkak të vendimit të Turqisë për të blerë S-400 nga Rusia, por që sipas Uashingtonit ky sistem është një kërcënim për aeroplanët e tyre F-35, të cilat Turqia po planifikon të blejë.
Turqia ka treguar interes në blerjen e 100 avionëve amerikanë dhe vlera e këtij prokurimi vlerësohet në 9 miliardë dollarë.
Nëse Turqia do të përjashtohej nga programi F-35, do të ishte një nga krizat më serioze në historinë e kohëve të fundit në marrëdhëniet e dy aleatëve, vlerësojnë ekspertët. /tesheshi.com/
