SHBA ka vënë veton në një projektrezulotë të Këshillit të Sigurimit të OKB-së e cila kërkonte rrëzimin e vendimit të Presidentit Trump për njohjen e Jerusalemit si kryeqytet të Israelit. 14 vende votuan pro projektrezolutës, ndërkohë që SHBA, e vetme, e rrëzoi atë me anë të vetos.
Kjo e ka gëzuar pa masë kryeministrin Netanjau i cili e ka falënderuar ambasadoren amerikane në OKB për veton.
“Faleminderit ambasadore Haley. Ti e ndeze qiririn e së vërtetës, e shkatërrove errësirën. Një person e mundi shumicën. E drejta e mundi gënjeshtrën. Faleminderit president Trump faleminderit Nikki Haley.”
Nga ana tjetër, zëdhënësi i Presidentit palestines Mahmud Abas, Nebil Abu Rudeyne, tha se “vendimi për veto është në kundërshtim me konsensusin ndërkombëtar dhe rezolutat e OKB-së, dhe se si mbështet Izraelin okupues”.
“Vetoja do të izolojë më tej SHBA-të, por gjithashtu do të shkaktojë tensione të reja brenda bashkësisë ndërkombëtare”, tha Ebu Rudeyne. /tesheshi.com/
