Për disatën herë, SHBA ka reaguar duke sqaruar se ambasadorja Kim nuka qëndrime personale ndaj ish-kryeministrit Berisha, të shpallur “non grata”, porse zëri i saj është zëri i Uashingtonit. Reagimi vjen pas një tjetër pretendimi nga Berisha, shoqëruar nga një irritim politik, sipas së cilit Kim mban qëndrime personale e se për këtë do i ankohej SHBA.
Sipas DASH, sulmet ndaj diplomates janë të pajustifikuara dhe nuk përfaqësojnë popullin shqiptar.
“Sulmet e pajustifikuara ndaj Ambasadores të SHBA në Tiranë, përfaqësueses personale të Presidentit të Shteteve të Bashkuara, nuk përfaqësojnë popullin shqiptar. Ata që përfshihen në korrupsion ose minojnë demokracinë duhet dhe do të mbajnë përgjegjësi”, thuhet në përgjigjen amerikane dhënë për Top Neës.
Që kur u shpall “non grata”, Berisha dhe njerëz të enturazhit të tij politik, janë përpjekur të bëjnë diversione në opinion, duke ndarë qëndrimet e ambasadës amerikane, ose dhe të vetë ambasadores, me ato të Uashingtonit. /tesheshi.com/
