Shtetet e Bashkuara kanë bërë ndërhtyrjen e parë verbale në raportet e acaruara mes Serbisë dhe Malit të Zi, ku si shkak është bërë Ligji për Fenë, miratuar nga qeveria e Podgoricës, e kundërshtuar fort nga Kisha Ortodokse Serbe, e gjithashtu Beogradi politik.
Në një përgjigje me shkrim për VOA-n nga një zëdhënës i Departamentit të Shtetit, thuhet se “SHBA respektojnë të drejtën e të gjitha vendeve sovrane për të miratuar dhe zbatuar ligje që janë në përputhje me normat demokratike dhe pa ndërhyrje të huaj”.
Në përgjigje gjithashtu mbështeten fuqishëm liritë themelore, siç janë liria e fjalës, shoqata dhe asambleja dhe e drejta e individëve për të shprehur lirinë e tyre të fesë ose besimit në mënyrë paqësore.
Siç dihet, SHBA janë një aleat i Malit të Zi, të cilën e janë mbajtur nën influencën e tyre për ta ruajtur nga ndikimi rus.
Presidenti malazes Milo Gjukanoviç tha më herët se abuzimi(nga Kisha e politika serbe) me ndjenjën fetare të qytetarëve kishte për qëllim rrëzimin e Malit të Zi dhe u bëri thirrje atyre që të mos “jenë pjesë e kësaj lëvizjeje të çmendur”. /tesheshi.com/
