Komiteti i Punëve të Jashtme të Dhomës së Përfaqësuesve të SHBA-së planifikon të votojë muajin e ardhshëm një projekt-ligj që do të ndalojë rrjetin social popullor kinez TikTok në Amerikë.
Projektligji, i propozuar nga republikani Michael McCaul, do të lejojë Uashingtonin të ndalojë ligjërisht përdorimin e TikTok për shkak të shqetësimeve të sigurisë kombëtare.
“Ne jemi të shqetësuar sepse ky aplikacion i jep qeverisë kineze akses në telefonat tanë”, tha McCaul për Bloomberg.
Ish-presidenti amerikan Donald Trump u përpoq në vitin 2020 të bllokojë përdoruesit e rinj nga shkarkimi i TikTok dhe të ndalojë transaksionet e parave që do të bllokonin përdorimin e aplikacionit në SHBA, raporton Reuters.
Në qershor 2021, administrata e Presidentit Joe Biden e braktisi zyrtarisht idenë.
Tik Tok, i cili ka më shumë se 100 milionë përdorues në SHBA, po përpiqet të bindë Uashingtonin se nuk mbledh të dhëna personale të qytetarëve, as nuk mund të hyjë në përmbajtjen e tyre në telefon dhe se nuk mund të manipulohet nga Partia Komuniste Kineze apo kushdo tjetër nën ndikimin e Pekinit. /tesheshi.com/
