Ambasadorja e SHBA-së në OKB Nikki Haley, ka deklaruar se Kim Jong është duke kërkuar luftë.
“Udhëheqësi i Koresë së Veriut, Kim Jong-un, po përgjërohet për luftë, me provën e fundit dhe më të fuqishme të bombës bërthamor”, tha e dërguara e SHBA-ve në Kombet e Bashkuara.
Nikki Haley, në një takim urgjent të Këshillit të Sigurimit në Nju Jork, u shpreh se Amerika nuk do luftë, por durimi i saj nuk është “i pakufizuar”.
SHBA do të paraqesë një rezolutë të re në OKB për të ashpërsuar sanksionet.
Kina, aleati kryesor i Veriut, ka bërë thirrje për negociata dhe Zvicra ka ofruar mbështetjen e saj të ndërmjetësojë. /tesheshi.com/
