Kandidatët presidencialë nga Partia Demokratike në SHBA u zotuan se do të bëjnë presion ndaj Izraelit për një zgjidhje paqeje që të çon drejt një shteti palestinez.
Gjysmë viti pasi kandidatët demokratë shmangën konferencën vjetore të AIPAC – lobin historik proizraelit, pesë kandidatë erdhën personalisht për të dhënë një mesazh paqeje në të njëjtën qendër të kongresit në Uashington Street.
“Nëse ka ndonjë popull në tokë që e kupton rrezikun e racizmit dhe nacionalizmit të bardhë, ai është padyshim populli hebre”, tha Sanders.
“Më lejoni ta nënvizoj këtë sepse do të keqkuptohet – nuk është antisemitizëm të thuash që qeveria Netanyahu ka qenë raciste. Ajo është e tillë, një fakt”, tha Sanders gjatë fjalimit.
“Ne kërkojmë që qeveria izraelite të ulet me popullin palestinez dhe të negociojë një marrëveshje që funksionon për të gjitha palët,” shtoi ai.
Sanders tha që mesazhi i tij për Izraelin do të ishte, “nëse doni ndihmë ushtarake, do të duhet të ndryshoni rrënjësisht marrëdhëniet tuaja me Palestinën”.
Senatori Bernie Sanders, i cili rrallë flet për besimin e tij hebre, shpjegoi se si vrasja e familjes së babait të tij në Holokaust i formësoi pikëpamjet e tij përparimtare. /tesheshi.com/
