Presidenti Thaçi dhe ambasadori i SHBA-ve Greg Delawie kanë nënshkruar sot një marrëveshje për amandamentimin e Marrëveshjes mbi Grantin e Objektivave Zhvillimore, grant ky 30 milionë dollarë për mbështetje në fushën e sundimit të ligjit, qeverisjes së mirë dhe investimet në sektorin privat.
Thaçi tha se marrëveshja është edhe një hap përpara e mbështetjes së SHBA-ve që i kanë dhënë Kosovës në konsolidimin e shtetit. Ai tha se ky është mesazhi më i mirë që buron në prag të 10 vjetorit të pavarësisë dhe mesazhit për investitorët.
Ndërsa ambasadori Greg Delawie tha se ky vit ka pasur të arritura të rëndësishme. Ai tha se Kosova ka kaluar në një proces zgjedhor e pastaj edhe kalimin te qeveria e re, e po ashtu edhe nënshkrimi i kontratës për Termocentralin “Kosova e Re”.
Sipas tij këto janë rezultate të mira por duhet ende punë. Delawie tha se partneriteti për zhvillim mes Kosovës e SHBA-së janë të mira. /tesheshi.com/
