Blinken foli me liderët e Azerbajxhanit dhe Armenisë për ‘mundësinë historike’ për të arritur paqen
Më shumë se 200 njerëz u vranë në fund të muajit të kaluar në përleshjet më të ashpra midis dy ish shteteve sovjetike që nga viti 2020.
Sekretari amerikan i Shtetit Antony Blinken foli të hënën me presidentin e Azerbajxhanit Ilham Aliyev për “hapat pozitivë midis Azerbajxhanit dhe Armenisë që të dy vendet po ndërmarrin drejt një marrëveshjeje paqeje”, duke përfshirë lirimin nga Azerbajxhani të 17 të burgosurve armenë të luftës, tha Departamenti i Shtetit në një deklaratë.
“Jam i kënaqur me momentin pozitiv që rezultoi nga bisedimet dypalëshe dhe po kërkoj përparim të mëtejshëm drejt paqes dhe stabilitetit në rajon”, tha Blinken në Tëitter për bisedën me Aliyev.
“Kam pasur gjithashtu diskutime të mira me kryeministrin e Armenisë Nikol Pashinyan për mundësinë historike për të arritur paqen në rajon. Jam i kënaqur me Ameninë për hapat pozitivë që ka bërë me Azerbajxhanin dhe Turqinë”, tha kreu i diplomacisë amerikane, raporton Reuters.
Demarkacioni i dy shteteve
Siç njoftoi Departamenti Amerikan i Shtetit, Blinken kujtoi bisedimet e fundit të drejtpërdrejta mes liderëve të dy vendeve dhe ministrave të jashtëm dhe përshëndeti lirimin e 17 të burgosurve të luftës. Ai i bëri thirrje presidentit Aliyev të vazhdojë me “hapat e kufizuar dhe të matshëm për të mbështetur procesin e paqes”.
Blinken përsëriti mbështetjen e SHBA për përcaktimin e qartë të kufirit, lidhjet e transportit, gjetjen dhe identifikimin e personave të zhdukur, kthimin e të arrestuarve dhe çështje të tjera.
“Ai theksoi rëndësinë e diskutimeve mbi të drejtat dhe sigurinë për popullin e Nagorno-Karabakut dhe nevojën që të dyja palët të ruajnë një armëpushim dhe të fokusohen në një marrëveshje të negociuar si e vetmja rrugë drejt paqes së qëndrueshme”, thuhet në deklaratë.
Armenia dhe Azerbajxhani ranë dakord të premten për një mision civil të Bashkimit Evropian përgjatë kufirit midis vendeve, ku më shumë se 200 njerëz u vranë në fund të muajit të kaluar në përleshjet më të këqija midis dy ish-shteteve sovjetike që nga viti 2020.
Kështu, Perëndimi, SHBA dhe BE, po tentojnë të kenë rol në një prej vatrave të nxehta ku gjithashtu është përcaktuese gjeopolitikash për rendin e tij botëror në horizont ku fuqitë e mëdha po bëjnë llogaritë dhe lëvizjet e tyre.
Deri më tani, aty “ligjin e bënte” Rusia dhe Turqia. /tesheshi.com/
