Departamenti Amerikan i Drejtësisë ka ngritur një aktakuzë kundër shtetasve ukrainas dhe rusë për një sulm hakeri ndaj një kompanie amerikane, pati ka sekuestruar gjashtë milionë dollarë të paguar për shantazh.
Jaroslav Vasinski, një shtetas ukrainas 22-vjeçar i arrestuar në Poloni muajin e kaluar, do të mbahet përgjegjës nga gjyqësori amerikan për përdorimin e softuerit të shantazhit, të ashtuquajturin “ransomware” i quajtur Revil, i cili i kushtoi kompanive amerikane miliona dollarë, raporton Reuters.
Shantazhet e marra në kriptovalutat Bitcoin dhe Monero
Sulmi i Vasinskit “infektoi” 1500 kompani në mbarë botën, sipas aktakuzës së ngritur në Teksas.
Ndër të tjera, shtetasi rus 28-vjeçar Yevgeny Polyanin, një tjetër menaxher i Revil, u akuzua për mashtrim dhe pastrim parash.
Departamenti Amerikan i Thesarit njoftoi se dyshja kanë marrë më shumë se 200 milionë dollarë në kriptomonedha Bitcoin dhe Monero përmes shantazhit. Shtohet se qeveria letoneze dhe estoneze ishin kyçe në hetim. /tesheshi.com/
