Dy persona mbetën të vrarë dhe disa të tjerë u plagosën nga të shtënat që ndodhën në Virxhinia gjatë një ceremonie diplomimi, njoftoi policia.
Një i ri i armatosur me katër armë vrau dy persona dhe plagosi pesë të tjerë kur hapi zjarr ndaj një turme në një maturë në Richmond, Virxhinia, të martën, tha policia, sipas Reuters.
Policia tha se arrestoi të dyshuarin, një 19-vjeçar i cili njihte njërin nga viktimat dhe besohej se kishte pasur një debat me të.
Ai qëlloi personin teksa qëndronte në një turmë që sapo kishte dalë nga kampusi i Universitetit të Commonëealth të Virxhinias, ku po mbaheshin ceremonitë lokale të diplomimit, tha policia në një deklaratë.
Autori është larguar në këmbë nga vendi i ngjarjes dhe është arrestuar, ndërsa tek ai janë gjetur katër pistoleta, tre prej të cilave mund të jenë përdorur.
Të vrarët kanë mbetur meshkuj të moshës 18 dhe 36 vjeç, ndërsa mes të plagosurve një 31-vjeçar ka marrë lëndime të rrezikshme për jetën, përfshirë dhe katër meshkuj të tjerë të moshës 14, 32, 55 dhe 58 vjeç, njofton policia.
Një vajzë 9-vjeçare u godit nga një makinë në panikun që u ngrit gjatë të shtënave dhe disa persona u plagosën kur u rrëzuan, thuhet në deklaratë. /tesheshi.com/
