Tashmë edhe në SHBA kanë nisur zyrtarisht për lobimin që ka kryer Partia Demokratike në vitin 2017. FBI po heton lobistin e zgjedhur nga PD-ja, Nik Muzin pas investigimit të revistës amerikane Mother Johnes, e cila publikoi artikullin ku sipas saj ka gjetur lidhje ruse në paratë e mbërritura në SHBA.
Kjo do të thotë që FBI do të pyesë dhe dokumentojë të gjithë këtë histori lobimi. Ndërkaq, edhe prokuroria e Tiranës e ka nisur hetimin kryesisht pas shkrimit.
Të dy hetimet zhvillohen në rrugë të ndryshme: FBI-ja shikon a është shkelur ligji amerikan, ndërsa prokuroria a është shkelur ligji shqiptar.
Ligji amerikan e ka të ndaluar ndërhyrjen e parave ruse në lobimin brenda politikës së SHBA, kurse ligji shqiptar ndalon një parti politike që të harxhojë fonde në zgjedhje pa i deklaruar ato.
Prokuroria e Tiranës do t’i drejtohet FBI-së me letërporosi për të plotësuar dosjen ku përmenden se si Nik Muzin u pagua për të vendosur kontakte në Uashington për Partinë Demokratike.
Gjatë javës, prokurorët pyetën Sekretarin e Përgjithshëm të Partisë Demokratike, Arben Ristani, i cili përsëriti se i qëndron versionit zyrtar të partisë së tij për këtë çështje.
Për hetimin e nisur kryesisht që prej muajit nëntor 2017, prokurorët shqiptarë posedojnë një raport të KQZ-së për financimin e Partisë Demokratike.
Prokurorët tregojnë se do kërkojnë dokumente shtesë edhe nga tatimet dhe dega e Thesarit për të verifikuar pagesat e depozituara nga Partia Demokratike. /tesheshi.com/
