Evropa duhet të reduktojë varësinë nga gazi rus dhe të diversifikojë burimet e energjisë – tha sekretari amerikan i Energjisë, Rick Perry në samitin e biznesit “të iniciativës tre detet” në Bukuresht.
Ai theksoi se varësia e Evropës nga gazi rus vitin e kaluar u rrit në 40 për qind dhe kjo vlerësoi ai është “shkak për shqetësim”.
Sekretari amerikan i Energjisë, thotë se siguria e energjisë është e barabartë me çështjen e sigurisë kombëtare dhe argumenton se vendet e Evropës Qendrore dhe Lindore po përballen me sfidën e madhe, sepse siç tha ai, “kanë vetëm një furnizues gazi, por edhe për shkak të pozicionimit agresiv të Rusisë”.
Si burime alternative të energjisë, Perry veçoi një projekt bërthamor në Republikën Çeke dhe shpimet nënujore për naftë dhe gaz në Detin e Zi. /tesheshi.com/
