Udhëheqësi i ISIL në Siri, i cili është një nga pesë liderët kryesorë të këtij grupi, u vra në një sulm ajror amerikan, njoftoi ushtria amerikane.
Në një deklaratë, Komanda Qendrore e SHBA-së deklaroi se Maher al-Agal u vra në një sulm me dron në veriperëndim të Sirisë dhe bashkëpunëtori i tij i ngushtë u plagos rëndë.
“Ky operacion është planifikuar në detaje për të siguruar zbatimin me sukses të tij. Vlerësimet fillestare tregojnë se nuk ka pasur viktima civile,” tha ajo, raporton Reuters.
Deklarata shton se al-Agal ishte përgjegjës për zhvillimin e rrjeteve të ISIL jashtë Irakut dhe Sirisë.
Vrasja është një goditje tjetër për grupin e armatosur dhe përpjekjet e tij për t’u riorganizuar si guerile pas humbjes së zonave të mëdha të territorit.
Në shkurt, lideri suprem i ISIL thuhet se hodhi veten në erë gjatë një sulmi të SHBA-së në Siri. /tesheshi.com/
