Shtetet e Bashkuara dhe Arabia Saudite u kanë bërë thirrje vendeve që të marrin përsëri shtetasit e tyre të kapur në luftën kundër ISIL-it, me ministrin e Jashtëm saudit duke thënë se ishte “absolutisht e papranueshme” që vendet e pasura po i shmangen asaj përgjegjësie.
“Unë do t’u thoja atyre vendeve – rritni përpjekjet tuaja,” tha ministri i Jashtëm saudit Princi Faisal bin Farhan në një takim të koalicionit të udhëhequr nga SHBA në Riad.
Sekretari amerikan i shtetit Antony Blinken tha në të njëjtën konferencë se kthimi i shtetasve është kritik për të siguruar humbjen e përhershme të grupit ISIL.
Rreziku i kthimit të ISIL-it
Blinken tha se ka pothuajse 10,000 luftëtarë të ISIL në qendrat e paraburgimit, nga të cilët 2,000 janë nga vende të tjera, jo vetëm nga Siria dhe Iraku.
“Dështimi për të rikthyer luftëtarët e huaj terroristë rrezikon mundësinë që ata të marrin përsëri armët dhe të përpiqen të rindërtojnë të ashtuquajturin kalifat të ISIL,” tha Blinken.
Ai njoftoi gati 150 milionë dollarë për sirianët dhe irakianët për përmirësimin e kushteve humanitare dhe vuri në dukje se vështirësitë dhe zhgënjimi janë terren pjellor për rekrutët e ISIL-it, shkruan Reuters.
Fillimisht një degë e al-Kaedës, grupi ekstremist kontrollonte një të tretën e Irakut dhe Sirisë në kulmin e saj në 2014. Edhe pse u mund në të dy vendet, militantët e ISIL vazhduan sulmet e tyre.
Por tej kësaj narrative zyrtare dhe të gjithëpranuar, ISIL apo ISIS është përplot teori komspiracioni, si një krijesë fuqish për interesa të caktuara. /tesheshi.com/
