Një familje nga Maryland, SHBA, u trondit kur zbuloi se një arkivol që ata blenë si sfond për një festë të Halloween-it përmbante hirin e një gruaje të vdekur dhe sende të tjera.
Wozniaks porositën një arkivol prej kallaji nga Facebook Marketplace dhe kur e hapën, gjetën sende personale që i përkisnin një gruaje që u dogj pasi vdiq nga koronavirusi janarin e kaluar.
Një fotografi e Edith Crews, certifikata e saj e vdekjes, një byzylyk spitalor që mbante në ditët e saj të fundit dhe një zarf që me gjasë përmbante hirin e saj u gjetën brenda arkivolit, tha Brooke Wozniak në një video që ajo ngarkoi në TikTok.
Wozniak postoi videon me shpresën për të gjetur familjen e Crews në mënyrë që ajo t’u kthejë gjërat e saj.
“Të gjithë ishim të shokuar. Dhe ne nuk dinim vërtet se si të ndiheshim për atë që pamë”, tha Wozniak për Fox 5 Washington DC. “Reagimi im i parë ishte gjetja e familjes. Duhet të gjejmë një të afërm ose dikë që e ka njohur gruan”.
Videoja e TikTok u pa përfundimisht nga një prej vajsave të të së ndjerës, Sabrina Jones.
Jones tha për mediat lokale se nëna e saj ishte një pastore 74-vjeçare, e cili vdiq vetëm pasi anëtarët e familjes nuk mund të ishin me të për shkak të koronavirusit.
“Jam unë ajo që e çova në spital dhe e lashë atje”, tha Jones në një intervistë emocionuese.
Ajo tha se ishte mirënjohëse që Wozniaks i mbajtën gjërat e nënës së saj dhe ia kthyen asaj.
“Faleminderit Zotin për këtë,” tha ajo.
Megjithatë, ajo tha se është ende e pikëlluar për nënën e saj.
“Por kjo nuk e largon dhimbjen,” tha Jones. “Ajo ishte shoqja ime më e mirë. Unë e doja shumë mamanë time”.
Ajo tha se e kishin marrë me qira arkivolin për ceremoninë e nënës së saj dhe më pas e kishin djegur.
Është e paqartë se si arkivoli përfundoi në Facebook Marketplace.
Kompania e shërbimit funeral dërgoi arkivole të shumta në një biznes skrapi për shkatërrim, raportoi Fox 5. /tesheshi.com/
