Një incident i pazakontë në një autostradë në Misuri ka ndodhur në një ditë kur amerikanët festojnë konsumimin e marijuanës.
Sipas një raporti të policisë, një kamion në Misuri u përpoq të shmangte një tjetër aksident automobilistik dhe një shofer i GMC Sierra u përplas me të. Pastaj një kamion tjetër goditi kamionin në fjalë.
Kur një patrullë autostrade mbërriti në vendin e përplasjes, ata panë thasë të mbushura me marijuanë të shpërndara në asfalt. Për t’i bërë gjërat interesante, kjo ndodhi më 20 prill, ditën kur amerikanët, por edhe pjesa tjetër e botës, festojnë konsumimin e marijuanës.
“Kjo nuk shihet çdo ditë, por është 20 prilli…”, njoftoi kontrolli i trafikut në Tëitter.
Policia tha se droga ishte në kamion dhe bëhej fjalë për rreth 230 kilogramë marijuanë.
“Në kamion ndodheshin dy burra dhe një grua. Dy burrat janë arrestuar për kontrabandë droge, krim i shkallës së parë”, thuhet në njoftimin e policisë.
Pasi e gjithë droga është grumbulluar në vendin e aksidentit, është dashur më shumë se një automjet patrullimi për t’a transportuar në dhomën e provave. /tesheshi.com/
