Shtetet e Bashkuara do të pranojnë të paktën 10 mijë refugjatë sirianë vitin e ardhshëm, njoftoi Shtëpia e Bardhë. Numri i refugjatëve përfaqëson një rritje domethënëse të angazhimit amerikan për krizën që ka vendosur në një situatë të vështirë Europën.
Sipas sekretarit të Shtypit në Shtëpinë e Bardhë, refugjatët që dëshirojnë të vendosen në Shtetet e Bashkuara do t’i nënshtrohen një procedure të ashpër identifikimi për shkak se bëhet fjalë për sigurinë e vendit.
Pavarësisht njoftimit për pranimin e refugjatëve, Shtëpia e Bardhë nuk bëri të ditur se cili do të jetë statusi i refugjatëve që do të marrë. Një zëdhënës theksoi se nuk flitet ende për status të përhershëm për ta.
“Nuk ka synimin të jetë një program emigracioni, por më shumë program strehimi për refugjatët”, tha John Kirby.
Shtetet e Bashkuara kanë pranuar afërsisht 1500 refugjatë sirianë që prej vitit 2011, ku nisi lufta civile në Siri, dhe janë kritikuar për këtë numër të vogël pranimi të azilkërkuesve.
Në mbrojtje të politikës së tyre ndaj Sirisë, Shtetet e Bashkuara kanë argumentin se janë shteti donator më i madh që nga nisja e krizës, me rreth 4 miliardë dollarë ndihma, 25 milionë nga të cilat kanë shkuar për vendosjen e refugjatëve në Europë.
Pranimi i refugjatë nis me vitin e ri fiskal, më 1 Tetor. /tesheshi.com/
