Zyra e qeverisë turke për menaxhimin e emergjencave ka njoftuar se bazuar në raportin për ndihmën globale humanitare në vitin 2015, donatori më i madh humanitar në botë është SHBA, pastaj Turqia.
Pasojnë Britania e Madhe, institucionet e Bashkimit Evropian, Gjermania, Suedia, Emiratet Arabe.
SHBA-të vitin e kaluar kanë dhënë donacion gjithsejt 6.4 milijardë dollarë, ndërkohë që Turqia ka dyfishuar donacionet humanitare në raport me vitin e kaluar.
Në vitin 2014, Turqia ka ndarë për ndihmë humanitare 1,6 miliardë dollarë, ndërkaq kjo shumë sivjet është dyfishuar në 3,2 miliard dollarë.
Kjo është 11% e ndihmës së përgjithshme humanitare të realizuar vitin e kaluar në gjithë botën.
Paralelisht me këtë, Turqia për herën e tretë me radhë ka marrë epitetin e “shtetit më bujar”, ngase me 0,37% të të ardhurave kombëtare të alokuara për qëllime humanitare, për të tretin vit me radhë zë vendin e parë sa i përket raportit mes granteve humanitare dhe të ardhurave kombëtare.
Në anën tjetër, Siria vitin e kaluar ka pranuar 2 miliardë dollarë ndihmë humanitare, dhe është e para në listën e përfituesve më të mëdha të donacioneve në botë. /tesheshi.com/
