Mihal Gorbaçov kishte të drejtë: përplasja e sotme mbi Sirinë i ngjan krizës së raketave kubane të vitit 1960.
Thuajse e njëjta pamje po zhvillohet prej katër orësh në Këshillin e Sigurimit të OKB-së ku Moska dhe Uashingtoni kanë “vringëllirë shpatat” dke i treguar forcën njëri-tjetrit.
Ka qenë ambasadori rus në OKB, i cili i pari shpërtheu akuzën e fortë për sulmin e udhëhequr nga SHBA, Franca dhe Britania e Madhe ndaj pozicioneve të Asadit.
Vasily Nebenzya,deklaroi se “ne kemi bërë gjithçka për të shmangur strategjitë destabilizuese, por sërish SHBA dhe aleatët e saj injoruan apelet tona”.
E ashpër ka ardhur përgjigja amerikane nëpërmjet ambasadores Nikki Haley.
“Rusia e përdor të drejtën e vetos në OKB, njësoj si Asad përdor gazin sarin kundër popullit të tij”, tha ambasadorja amerikane, duke i kujtuar kolegut rus se sa herë SHBA ka kërkuar një zgjidhje për Sirinë në Këshillin e Sigurimit, ajo është bllokuar nëpërmjet vetos së Moskës.
“Nuk mund të lejojmë që Rusia të hedhë gjithçka në plehra në emër të së drejtës ndërkombëtare dhe lejon përdorimin e armëve kimike”, tha Haley.
Në emër të presidentit Trump, ajo kërcënoi fort: “Nëse do të përdoren sërish lëndët kimike, ne do të reagojmë edhe më fort se këtë herë”, shtoi ambasadorja e SHBA në OKB.
Ndërkaq, sekretari i përgjithshëm i NATO-s ka mbledhur Këshillin Atlantik dhe ka lëshuar një urdhëresë për t’u bërë gati për një ndërhyrje nëse gjërat vështirësohen.
“Asad duhet të lejojë ndihmat humanitare për popullsinë. Ne jemi gati nëse merret një vendim politik”, tha Jens Stoltenberg. /tesheshi.com/
