Zoran Zaev ka këmbëngulur që Zijadin Selën do ta ketë si krahun e tij të djathtë në qeverinë e Maqedonisë.
Kjo ka qenë risia më e freskët mbi zhvillimet në Maqedoni dhe që është shpërndarë në ambjentet diplomatike të Shkupit.
Dhe ky lajm është shpërndarë nga burime diplomatike në Tiranë, të cilat kanë bërë të ditur se Sela do të jetë shqiptari më i rëndësishëm i qeverisë së Zoran Zaevit dhe jo një politik i BDI-së, e cila ka marrë në duart e saj postin numër dy të shtetit, siç është kryeparlamentari Talat Xhaferri.
Po BESA?
Një burim diplomati nga Tirana bëri të ditur se Lëvizja BESA do të vendosë në organet e saj nëse do të jetë pjesë përbërëse e qeverisë, poir siç mësohet SHBA dhe BE e duan në poste kyçe pasi e shikojnë këtë forcë të re gjenuine të shqiptarëve të Maqedonisë si shpëtimtarja reale nga një regjim që ishte vendosur prej më shumë se 10 vjetësh në vend.
Ndërkaq,LSDM ka bërë të ditur se kabineti do të formohet brenda 10 ditësh.
Nesër, Zaev ditët në vijim do të takojë kreun e integristëve BDI Ali Ahmeti dhe atë të LR PDSH-së Ziadin Selën, për të rrumbullakuar bisedimet për Qeverinë e re.
“Nuk duam që të presim 20 ditë, ne duam që në dhjetë ditët e para ti përfundojmë këto punë dhe proceset të fillojnë të ecin përpara. Kjo domethënë se ditëve në vijim do të kemi bisedime dhe negociata serioze me partnerët e koalicionit me qëllim që të kemi qeveri funksionale në interes të qytetarëve….qytetarët mjaft pësuan prej veprimeve të VMRO DPMNE-së dhe Gjorge Ivanovit”, tha Stefan Bogoev, LSDM.
Lëvizja BESA është duke i ndërtuar parimet për fillimin e negociatave për formimin e qeverisë së re.
Gjithsesi se fjalën përfundimtare e ka Këshilli Qendror i Lëvizjes BESA, si organi më i lartë i këtij subjekti.
“Lëvizja Besa konstaton se sa më shpejt duhet të merren hapa konkrete për fillimin të një qeverie reformatore e cila do të jetë në dobi të qytetarëve të Maqedonisë”, deklaroi Faton Fazliu, nga kjo forcë politike.
Nga Aleanca për Shqiptarët thanë se vendimin përfundimtar për pjesëmarrjen ose jo në Qeveri do ta merr kryesia Qendrore e partisë.
“Së shpejti do të kemi mbledhje të Kryesisë Qendrore, në ndërkohë pritet edhe kthimi i kryetarit Zijadin Sela nga trajtimi jashtë vendit. Për qasjen tonë do të vendoset në organet partiake. Gjithsesi javës që vjen do të ketë negociata. Akoma kemi konsultime të brendshme për të vendosur për shumëçka”, deklaruan nga Aleanca për shqiptarët.
Kreu i Kuvendit Talat Xhaferi tha se pret nga Zaev që t’i dërgojë programin dhe përbërjen e kabinetit, me qëllim që ky të thërrasë mbledhjen e Kuvendit./tesheshi.com/
