Departamenti i Shtetit i SHBA fajësoi Shërbimin Federal të Sigurisë të Rusisë (FSB) për helmimin e liderit të opozitës ruse Alexei Navalny.
“Shtetet e Bashkuara besojnë se anëtarët e Shërbimit Federal të Sigurisë Ruse përdorën një agjentin nervor Novichok për të helmuar Navalny-n. Nuk ka asnjë shpjegim bindës për helmimin përveç përfshirjes dhe përgjegjësisë së autoriteteve ruse,” tha Departamenti i Shtetit në një deklaratë.
Ata thanë se autoritetet ruse dhe Presidenti Vladimir Putin po përpiqeshin të bindnin të tjerët se nuk ishin të përfshirë në këtë çështje.
“Rusia ka ofruar vazhdimisht një seri teorish konspirative, shpesh kontradiktore. Për të qenë të qartë, këto teori konspirative nuk janë asgjë më shumë sesa një mjet për të larguar vëmendjen nga pyetjet e rëndësishme që autoritetet ruse duhet t’u përgjigjen “, thuhej në deklaratë.
Shtetet e Bashkuara besojnë atë që Organizata për Ndalimin e Armëve Kimike (OPCW) ka zbuluar kur bëhet fjalë për helmimin e Navalny-t dhe kujton se laboratorët e mëparshëm gjermanë, francezë dhe suedezë konfirmuan që Navalny ishte i ekspozuar ndaj agjentit nervor Novichok.
Trajtimi në Berlin
Navalny u sëmur në gusht, kur po kthehej nga Siberia për në Moskë, dhe kishte një dyshim se një helm ishte përzier me çajin që ai piu.
Ai më pas u transferua nga Omsku në Berlin më 22 gusht për mjekim.
Ekspertët gjermanë thanë se ishin të sigurt se kryepozitari rus ishte helmuar.
Navalny është një nga kritikët më të mprehtë të presidentit rus.
Ish-avokati është i njohur për luftën kundër korrupsionit në Rusi, duke qenë gjithashtu dhe udhëhqës i protestave para Kremlinit.
Ai shpesh ishte burgosur dhe çështja e tij u mor nga Gjykata Evropiane e të Drejtave të Njeriut në Strasburg. /tesheshi.com/
