Një çift nga Kalifornia, i cili u deklarua fajtor për abuzimin afatgjatë të 12 fëmijëve të tyre, u dënua me burgim të përjetshëm.
David dhe Louise Turpin u dënuan gjatë një gjyqi të tensionuar në të cilin disa nga fëmijët e tyre flisnin publikisht për abuzimin, njoftoi AP.
Një nga vajzat e tyre tha përmes lotëve se prindërit e saj ia “kishin rrëmbyer jetën, porse ajo tani do ta merrte atë në duart e saj”.
Gjykimi u dha një vit pasi një vajzë 17-vjeçare e çiftit arriti të dilte nga dritarja e shtëpisë dhe të thërriste policinë.
Ajo raportoi se disa nga motrat dhe vëllezërit e saj ishin të lidhur me zinxhirë në shtrat dhe të uritur. /tesheshi.com/
