Shtetet e Bashkuara kanë arritur në përfundimin se një sulm nga krimi serb në veri të Kosovës gjatë fundjavës, i cili vrau një polic kosovar, kishte për qëllim destabilizimin e rajonit.
SHBA paralajmëron për një përshkallëzim të mundshëm të mëtejshëm midis dy vendeve fqinje.
“Ne e dimë se ishte e koordinuar dhe e sofistikuar. Sasia e armëve sugjeron se kjo ishte serioze, me një plan për të destabilizuar sigurinë në rajon,” tha ambasadori i SHBA në Kosovë, Jeffrey M. Hovenier për Politico, duke shtuar se personat e armatosur dukej se kishin marrë trajnim ushtarak.
Hovenier tha se SHBA-të duhet të përcaktojnë ende nëse Serbia ishte përgjegjëse për pritën, siç pretendonte Kosova, por tha se pajisjet e konfiskuara nga autoritetet, duke përfshirë raketahedhës, mina dhe një transportues të blinduar të personelit, ishin të “cilësisë ushtarake jo në dispozicion për qytetarin mesatar.”
Ai tha se SHBA nuk kishte arsye të dyshonte se armët dhe pajisjet e tjera të paraqitura nga Policia e Kosovës në një konferencë për shtyp të hënën nuk ishin ato që u gjetën në vendin e ngjarjes.
“Njerëzit që i konsiderojmë më përgjegjës janë ata që qëlluan policin e Kosovës”, tha Hovenier. /tesheshi.com/
