Donald Trump i ka bërë ofertën e majme Serbisë në mënyrë që kjo e fundit të vendosë përfundimisht hapin e saj për braktisjen e Kosovës.
Siç bën të ditur B92, ambasadori amerikan në Serbi, Kyle Scot i ka dorëzuar presidentit serb Aleksandër Vuçiç një mesazh urimi për vitin e ri dhe Krishtlindjet ortodokse prej Presidentit të SHBA-së, Donald Trump.
Përveç mesazhit “llastues” të Trump, diplomati amerikan në Beograd i ka bërë një ofertë shumë të fortë kreut të Beogradit, pikërisht në momentin kur SHBA është ftohur keqas me krerët e Prishtinës: Presidentin Thaçi, kryeministrin Haradinaj dhe kryeparlamentarin Veseli.
Siç bën të ditur B92, në një shkrim të saj të detajuar mbi takimin Kyle- Vuçiç, ambasadori amerikan në Beograd ka bërë të ditur se 100 kompani amerikane do të instalohen në Serbi duke investuar 4 miliardë dollarë dhe hapjen e rreth 17 mijë vendeve të punës.
Shumica e investimeve janë në kulmin e aktiviteteve të tyre.
Por ambasadori amerikan ka pasur një kusht për Vuçicin dhe Serbinë: “zgjedhjet e ardhshme parlamentare janë një mundësi kyçe që Serbia të tregojë se ndjek standardet ndërkombëtare”.
Më pas palët kanë folur për Kosovën dhe dialogun që nis këtë vit. Siç bën të ditur B92, ambasadori amerikan ka siguruar Vuçiç se ish-krerët e UÇK-së nuk mund ta ndalojnë Gjykatën Speciale, ndaj i ka kërkuar Beogradit që të marrë brenda tre muajsh vendimin për Kosovën.
Nga ana tjetër, SHBA i ka marrë Vuçicit edhe një deklaratë ku ky i fundit distancohet nga shkëputja e mundshme e Republika Srbska-s nga Bosnjë-Hercegovina.
Këto lëvizje duken një manovër e hapur se llastimi i Beogradit po bëhet që ky i fundit të marrë një vendim final për të hequr dorë nga Kosova.
Por çmimi për këtë vendim duket se është i lartë. Përveç dënimit të disa ish-krerëve të UÇK-së nga Gjykata Speciale, ndarja është çmimi më i lartë që mund të paguajë Kosova.
Këtë pakt padiskutim që e dijnë të parët e Kosovës, duke nisur nga Hashim Thaçi.
Dhe për këtë, të paktën duhet ta bëjnë publike dhe më pas ta ndalojnë që të ndodhë. Sikur edhe të sakrifikojnë të ardhmen e tyre politike. A ishin gati të sakrifikohen për vendin kur morën armët e themeluan UÇK-në?
Tani kanë rastin e dytë: mund të bëhen ose heronj ose shkatërrues të asaj që ka arritur Kosova deri tani! /tesheshi.com/
